روزنامہ صدائے چنار کوٹلی مظفر آباد
Daily Sada-E-Chanar (روزنامہ صدائے چنار)

- Advertisement -

ڈومیسٹک میچ کے دوران کابل کرکٹ اسٹیڈیم میں دھماکہ، 4 افراد زخمی

0 10

ڈومیسٹک کرکٹ میچ کے دوران کابل کرکٹ اسٹیڈیم میں دھماکے کے نتیجے میں 4 افراد زخمی ہوگئے۔
غیر ملکی خبررساں ایجنسی کی رپورٹ کے مطابق افغان کرکٹ بورڈ (اے سی بی) کے چیف ایگزیکٹیو نصیب خان نے اپنے بیان میں کہا ہے کہ شپیزا لیگ میں دو ٹیموں کے درمیان میچ جاری تھا کہ اس دوران ایک دھماکہ ہوا، جس کے نتیجے میں 4 شائق زخمی ہوگئے تاہم عملہ اور تمام کرکٹرز محفوظ رہے۔
کابل پولیس کے ترجمان خالد زدران کا کہنا ہے کہ دھماکہ دستی بم کے ذریعے کیا گیا جس کے بعد کھیل کو چند منٹوں کے لیے روک دیا گیا۔
واضح رہے کہ افغان طالبان کے حکومت میں آنے کے بعد یہ پہلا موقع تھا کہ کوئی ٹورنامنٹ کھیلا جارہا ہو، اس ایونٹ میں آٹھ ٹیموں میں افغانستان کی قومی ٹیم کے کئی کھلاڑی بھی شامل ہیں۔

جواب چھوڑیں

آپ کا ای میل ایڈریس شائع نہیں کیا جائے گا.